радиолокациялық алаң

(Радиолокационное поле)

радиолокациялық станциялар берілген ықтималдық-пен қарсыластың нысаналары мен өз объектілерінің тактикалық сипаттамаларын табу, сүйемелдеу және анықтауды қамтамасыз ететін шектегі кеңістік. Р.а. кеңістігі, ұзындығы, құрылымы және диапазон биіктігі радиотехникалық бөлімдер, әуе шабуылына қарсы қорғаныс әскерлерінің (күштерінің) құрамына, радиолокациялық станциялар (РЛС) санына және тактикалық-техникалық сипаттамаларына байланысты болады. Белсенді локациялау алаңы Р.а-ның негізгі бөлігі болып келеді. Енжар локациялау алаңы қарсыластың радиоэлектрондық басуды қолдануы жағдайында жасалады. Р.а. жалпы немесе ошақты болуы мүмкін. Жалпы Р.а-да кез келген нүктеде нысаналарды табу, сипаттамаларын анықтау және үздіксіз сүйемелдеу бір РЛС-мен жүргізіле береді. Р.а. бір және көп сөрелі болуы мүмкін. Бір сөрелі Р.а. бір типті РЛС-мен, көп сөрелі — әр түрлі типті РЛС-мен жасалады. Р. а. нақты биіктіктегі шеппен, төменгі және жоғарғы шептер биіктігімен, жабу коэффициентімен сипатталады. Нақты биіктіктегі Р.а. шегі алаң мен барлық нүктелері жер (теңіз) бетінен бірдей қашықтықта болатын елестетілген жазық-тықпен қиылысуынан пайда болған тұйық сызықтан тұрады. Р.а-ның төменгі және жоғарғы шектерінің биіктігі — кем дегенде жалғыз РЛС-мен әуе нысанасын табу және үздіксіз сүйемелдеу қамтамасыз етілетін, жер (теңіз) бетінен саналатын ең кіші және ең жоғарғы биіктіктер. Көру алқаптары алаңның нақты нүктесінде өзара жабылатын РЛС-лар санына тең сан кеңістіктің нақты нүктесіндегі Р.а-ның жабылу коэффициенті деп аталады.